Pet stvari koje razumiju samo oni ljudi koji su tek nabavili štene

Štenad su naravno neodoljiva i beskrajno slatka, ali kada ih nabavite, sa njima pored toga dolaze i nove obaveze i potrebe. Cuko je izdvojio pet situacija u kojima će se prepoznati svi oni koji su nekad u svoj život pustili štene.
1. Njihova potreba za obavljanje nužde je važnija od vaše

Dok ste bili ,,sami” jutarnja rutina je počinjala sa odlaskom u kupatilo. Međutim, kad štene dođe u vaš dom, prvo se njegove potrebe moraju ispoštovati pa tek onda na red dolazite vi. U suprotnom, stradaće tepih.

2. Snooze opcija postaje prošlost

Prije šteneta, opcija snooze vam je omogućavala luksuz od dodatnih nekoliko minuta sna. Psi imaju veoma dobar sluh, a kad oni jednom čuju alarm, ne preostaje vam ništa drugo već da odmah ustanete iz kreveta.

3. Jutarnja šetnja kao savršen način da započnete dan

Šetnja sa psom  po kvartu od minimalno 20 minuta baš svakog jutra? U početku djeluje kao velika obaveza i teret, ali vrlo brzo postane zdrava i korisna navika.

4. Štene bira vašu obuću

Vaše novo štene možda samo želi da vam pomogne u izboru obuće za taj dan ili makar da se lakše odreknete stare obuće koja je ionako odslužila svoje, pa može poslužiti kao igračka.

Nekih dana nemate snage pa im samo dopustite da žvaću stari par patika, ali potrudite se da ne nagrađujete takvo ponašanje, već da mu umjesto obuće date igračku.

5. Iako nijeste jutarnji tip osobe, uskoro ćete to postati

Vlasnici štenaca potajno znaju da, iako ih novi članovi porodice probude u četiri sata ujutru, to vrijedi, jer će vidjeti neodoljivo lice puno energije i željno igre.

,,Sindrom jutarnjeg šteneta” je zarazan, te ćete postati jutarnja osoba i prije nego što mislite.

Komentariši

Vaša email adresa neće biti objavljivana. Neophodna polja su označena sa *