Zašto psi ližu sebe, druge pse i ljude?

pas lize

Razni su razlozi zbog kojih pas liže ljude. Cuko.me donosi vam listu najčešćih razloga zbog kojih nas ljubimac liže, ali i zašto to radi sebi ili drugim ljubimcima.

Ukusni smo

Ako vaš pas liže činiju ili pod nakon što je jeo, onda vam je jasno da to radi jer mu se dopada miris. Ipak, da li ste znali da je isti slučaj kada su i ljudi u pitanju? Naime, nekada nam na tijelu i bradi ostanu sitni djelovi hrane koje pas može da osjeti, a pored toga, psi vole i so na našoj koži.

Čišćenje

Iako vam se možda ne čine kao stvorenja koja previše brinu o higijeni, štenci često ližu sebe da bi se očistili, poput mačaka.

Ipak, treba da obratite pažnju kod ovog ponašanja, jer pretjerano lizanje može da znači i neke probleme, poput anskioznosti.

Liječenje

Pseća pljuvačka sadrži enzime koji ubijaju određene bakterije, i lizanje pomaže da se ukloni mrtvo tkivo i očiste rane.

Neki psi pak nemaju granice, pa u slučaju rane može doći do njenog otvaranja, što svakako nije dobro.

Komunikacija

Psi ližu druge pse na taj način im poručujući odrđeene stvari, poput “gladan sam” do “hajde da budemo prijatelji”.

To rade i sa ljudima, ali mi obično ne čitamo poruke kao drugi psi. Ako vas pas previše liže, provjerite okolinu. Možda mu fali vode, jer pretjerano lizanje često znači da mu je potrebna neka vrsta pomoći.

Ljubav

Ovo je najčešći razlog što psi ližu svoje ljude. Lizanjem pas ispušta endorfine mirnoće i komfora. Ako vam pak lizanje smeta, ovo ponašanje možete eliminisati tako što ćete ignorisati svog cuka.

Ipak, to se njima neće pretjerano dopasti, pa uzmite i to u obzir.

Komentariši

Vaša email adresa neće biti objavljivana.